Easter Sunday

VERSE
Inaagiw na mga braso ko
Alikabok sa baywang at tuhod ko
Hindi hapo ngunit ‘di makatayo
Limot na ba nakagawing laro?

Nasasabik sa darating na Linggo
Iuunat ang katawang walang buto
Tatlong araw, tatlong buwan man o tatlumpu
Salubungin ang mabuting balita ko

PRE
Ididilat ang aking mga mata
Babangon muli, may bagong umaga!

CHORUS
Ang kasagutan sa, nadarama ninyo
Muling buhayin ang mga manikang ‘to
Kaluwalhatian ng mga misteryo
Magalak ang lahat, ligtas na ang laro!

VERSE
Nanginginig at di mapakali
Binubusisi ang pagkukumpuni
Titipunin barangay na masigasig
Magiingay, magwawala at mananalig

PRE
Ididilat ang aking mga mata
Babangon muli, may bagong umaga!

CHORUS
Ang kasagutan sa, nadarama ninyo
Muling buhayin ang mga manikang to
Kaluwalhatian ng mga misteryo
Magalak ang lahat, ligtas na ang laro!

Alive! Alive! Alive! Alive!